ປະຫວັດຄວາມເປັນມາ

ພາຍໃຕ້ການນຳພາຂອງພັກ-ລັດ, ໄດ້ນຳພາປະເທດຊາດປະຕິບັດວຽກງານກ່ຽວກັບການພັດທະນາເສດຖະກິດ-ສັງຄົມມາໄດ້ 37 ປີ ເວົ້າລວມ, ເວົ້າສະເພາະ ແມ່ນໄລຍະການຈັດຕັ້ງແຜນພັດທະນາເສດຖະກິດ-ສັງຄົມ 5 ປີ ຄັ້ງທີ VI ( 2005 ຫາ 2010 ) ສຳເລັດ ເຊິ່ງໄດ້ພັດທະນາທາງດ້ານການເມືອງ, ດ້ານວັດທະນະທຳ-ສັງຄົມ, ດ້ານຄຸ້ມຄອງບໍລິຫານ, ດ້ານເສດຖະກິດ, ດ້ານການຜະລິດ, ດ້ານຊີວິດການເປັນຢູ່ ແລະ ອື່ນໆ. ຜ່ານການນຳພາມາແຕ່ລະໄລຍະມີຫຼາຍດ້ານໄດ້ມີຜົນສຳເລັດເປັນຢ່າງດີ ແລະ ຍັງມີອີກຫຼາຍດ້ານຍັງຕ້ອງໄດ້ສືບຕໍ່ປັບປຸງແກ້ໄຂ, ສະຫຼຸບແລ້ວຜ່ານການຖອດຖອນບົດຮຽນ ຈຶ່ງເຫັນໄດ້ບັນດາບັນຫາຫຼາຍຢ່າງທີ່ເກີດຂື້ນໃນປະເທດເຮົາ, ດັ່ງນັ້ນ, ເຖິງເວລາແລ້ວທີ່ພວກເຮົາຈະຕ້ອງຖອດຖອນເອົາບົດຮຽນອັນລ້ຳຄ່າດັ່ງກ່າວມາທວນຄືນວ່າອັນໃດທີ່ເຮັດໄດ້ດີ ແລະມີວິທີການຄຸ້ມຄອງ ແລະ ຜັນຂະຫຍາຍໃຫ້ມີປະສິດທິຜົນສູງສຸດ, ເຮັດໃຫ້ດີ, ມີວິທີການ ແລະ ແບບແຜນໃນການຈັດຕັ້ງປະຕິບັດແລ້ວນັ້ນ ພວກເຮົາຕ້ອງສືບຕໍ່ຈັດຕັ້ງຜັນຂະຫຍາຍໃຫ້ມີປະສິດທິຜົນນັບມືນັບສູງຂື້ນເປັນກ້າວໆ.